節錄自蘋果日報，欲閱讀全文，請按文章末段的「暸解更多」。
省舖租成本 毋須拆佣
「我94年入行，5,000蚊底薪，今日如果唔係最低工資可能仍然都係5,000蚊」，行業老化，加上舖租蠶食利潤，拉攏兩位投資者合資約千萬元，開辦網上搵樓平台House101，如網上代理行，減省舖租成本，不與經紀拆佣，改以年費形式，試圖顛覆傳統拆佣制。他強調，經紀不會被時代淘汰，因為「經紀係買賣中間嗰個潤滑劑」。
講到House101的優點，他強調平台最終目標，就是要將地產代理線上化，將過去大行提供嘅支援配套，全部放上平台，「我哋幫經紀搵盤搵客，提供佢哋需要嘅資訊。之後佢做到嘅單，100%佣金自己袋晒，唔需要再同人瓜分，真正多勞多得。」
他強調，有別於現有放盤平台，「坊間只係放盤平台，經紀畀錢放盤吸客，線下時唔會有支援。」他續稱：「我聽過好多投訴，業主畀幾百蚊放盤後，離譜到深圳嘅經紀打電話叫佢上去深圳睇樓，即係業主會收到好多唔同嘅人打電話畀佢。仲有啲仲離譜，就係其他行業嘅sales cold call。」
他硬銷平台下設APS101經紀系統，邀請持牌經紀加入，向每名申請人收年費3,800多元，幫經紀搵盤、搵客。業主方面暫不收費，免費放盤，因應個人喜好選擇各區經紀。
然而網上物業平台就是標榜助買賣雙方慳佣，欲取代經紀，而他卻創立一個以經紀為核心的放盤平台。他反問：「你搵到個盤，你搵到個客，各自搵雙方律師咁去傾咗佢？呢個係一廂情願嘅諗法，經紀係買賣中間嗰個潤滑劑！你哋係對立人，一個想賣高啲，一個想買平啲，點傾得埋冷？業主有脾氣時買家受唔受？邊個將買家狠戾要求盡量減低？我覺得佢哋諗嘢簡單咗囉，經紀角色非常重要，無佢哋，你單刁根本連傾價都傾唔埋欄。」……(續)
HOUSE101.com.hk
▲ HOUSE101 香港網上搵樓放盤平台
▲ APS101 全新地產代理工作系統
今時今日身處香港這個活力之都，實在讓人忙得透不過氣… 與你談討居家生活、提供置業貼士、講盡全城熱話。尋覓置愛？由這裡開始！